Madde Detay

Kâmetî’nin hayatı hakkında tezkirelerde ve biyografik kaynaklarda herhangi bir bilgi bulunmamaktadır. Ancak İstanbul Büyükşehir Belediyesi Atatürk Kitaplığı’nda “Bel_Yz_00043” numarada kayıtlı olan ve 1254/1838-39 yılında tertip edilen bir şiir mecmuasında şaire ait iki gazel yer almaktadır. Bu mecmuanın tertip edildiği tarih göz önünde bulundurulduğunda Kâmetî’nin de bu mecmuanın tertip edildiği tarihte hayatta olduğu veya bu tarihten önce yaşadığı kabul edilebilir. 

Mecmû’a-i Eş’âr. İstanbul Büyükşehir Belediyesi Atatürk Kitaplığı. Bel_Yz_00043, vr. 59a.

Kâmetî   

Nigâh-ı fitne-perdâza nihâyet yok mı sultânum

O çeşm [ü] gamzeden hergiz selâmet yok mı sultânum

Esîr-i mihnet-i ‘aşkuñ olan âzürde-i nâ-çâr

Tutalum sabr ider ammâ kıyâmet yok mı sultânum

Lebüñden dil temennâ eyledükçe bûse redd itdüñ

Tarîk-i dil-rübâlıkda sehâvet yok mı sultânum

Virür yagmâya mülk-i hüsni hayl-i hatt-ı ruhsâruñ

Gider bu fursat elden hiç ferâset yok mı sultânum   

İşitse va‘de-i vasluñ olurdı Kâmetî bendeñ

Aña cân müjde virmekde letâfet yok mı sultânum

(Mecmû’a-i Eş’âr. İstanbul Büyükşehir Belediyesi Atatürk Kitaplığı. Bel_Yz_00043, vr. 59a)

Kâmetî

Gülşende seher nice gerek bâde safâsı  

Yârüñ lebi kandı ola her bâr gıdası

Bülbüllerüñ ol nâle vü âhı eserinden

Her gonca gülüñ gör nice çâk oldı yakası

Yüz virdüñ o Hindû-yı siyeh-rûyuna ammâ

Göstermez aña hat gelicek gayrı bu nâsı

Hâr ile bu gam-dîdeñi pek incidür olduñ

Gerçi çekilür gonca gülüñ cevr ü cefâsı

Agyâra vefâlar iderek ey meh-i garra

Bir gün urılur rûy-ı dil-âvîze karası   

Hûb söyle gazel söyler iseñ Kâmetî her-dem

Çogaldı ‘aceb şimdi bu ‘asruñ zürefâsı

(Mecmû’a-i Eş’âr. İstanbul Büyükşehir Belediyesi Atatürk Kitaplığı. Bel_Yz_00043, vr. 59a)