Madde Detay

Tezkirelerde ve biyografik kaynaklarda Hisârî’nin hayatı hakkında herhangi bir bilgi bulunmamaktadır. Ancak Pervane b. Abdullah’ın 16. yüzyılda derlemiş olduğu Pervâne Bey Mecmûası’nda, biri Hayâlî (öl. 1557)’nin şiirine nazire olmak üzere Hisârî’ye ait üç gazel kayıtlıdır (Gıynaş 2014: 914). Hem bu gazellerden birinin Hayâlî’nin gazeline nazire olması hem de Pervâne Bey Mecmûası’nın 16. yüzyılda derlenmiş olması Hisârî’nin, 16. yüzyıl şairlerinden olduğunu göstermektedir.

Gıynaş, Kâmil Ali (hzl.) (2014). Pervâne Bey Mecmuası. C. 2-3. İstanbul: Akademik Kitaplar Yay.

Gazel

Şâh-bâz-ı tab’um olaldan cihânuñ yügrügi

Hem-cenâh olmadı hîç aña toganuñ yügrügi

Döndüren tolâb-ı çerhi eşk-i çeşmümdür benüm

Âsiyâbı döndüren âb-ı revânuñ yügrügi

Husrev ü Câmî Nizâmî gitdiler meydândan

Esb-i tab’umla benem şimdi zamânuñ yügrügi

Pâdişâhum hem-‘inân olmaz semend-i hüsnüñe

Şeh-süvâr-ı esb-i nâz olan cevânuñ yügrügi

Âsitânuñda Hisârî cân virürse gam degül

Âşiyânın ‘arş ider murg-ı revânuñ yügrügi

(Gıynaş, Kâmil Ali (hzl.) (2014). Pervâne Bey Mecmuası. C. 3. İstanbul: Akademik Kitaplar Yay. 914.)

Gazel

Gonçeyi söyletmeyen ey gül dehanuñdur senüñ

Bâg-ı hüsne bülbül-i gûyâ zebanuñdur senüñ

Bâg-ı dehr içre perîşân eyleyen sünbüller

Ey perîşân kâkül-i ‘anber-feşânuñdur senüñ

Didüm ey gül gülşen-i kûyuñda kimdür ‘andelîb

Nâz ile güldi didi murg-ı revânuñdur senüñ

Yog idi la’1-i lebüñden özge hiç efkârumuz

Kılca koyan cânumuz şimdi miyânuñdur senüñ

Kim ola ‘uşşâk arasında Hisarî dir iseñ

Pâdişahum hâk-i râh-ı âsitânuñdur senüñ

(Gıynaş, Kâmil Ali (hzl.) (2014). Pervâne Bey Mecmuası. C. 2. İstanbul: Akademik Kitaplar Yay. 639.)