Madde Detay

Şuara tezkirelerinde yer almayan bir şairdir. Ömer bin Mezîd’in Mecmûʽatü’n-Nezâ’ir’inde Fetheddîn’nin “sensedüm” redifli bir gazeli bulunmaktadır (Canpolat 1995: 233). Zemin şiir olduğu belirtilen gazele Sinân ve Ömer bin Mezîd tarafından birer nazire yazılmıştır. Fetheddîn, m. 1436-1437 yıllarında telif edilen Mecmûʽatü’n-Nezâ’ir’de yer aldığına göre muhtemelen 15. yüzyıl şairidir. Şairin “sensedüm, senserem, benseyesin, benseseñ, gülsemiş” vb. ilginç sözler bularak şiir diline yenilik getirmeye çalışması dikkat çekicidir.

Canpolat, Mustafa (1995). Mecmû’atü’n-Nezâ’ir Metin-Dizin-Tıpkıbasım. Ankara: Türk Dil Kurumu Yayınları.

Fetheddîn-râst

Düşeli senden cüzâ bi’llâh ki cânum sensedüm

Gözlerümden dökilür âb-ı revânum sensedüm

Ben anuñ-çün senserem kim benseyesin sen dahı

Müddeʽî gürlügine diseñ fulânum sensedüm

N’ola bir gün sen dahı Tañrıña bakup benseseñ

Gülsemiş bülbülleyin iy gülsitânum sensedüm

ʽÂlemüñ terkin senüñ ʽışkuña kılmak sehl [olur]

Yoluña olsun fidâ cân u cihânum sensedüm

Sen safâ vü zevk-ıla ʽişretde dâyim şâz-kâm

Ben cefâ vü cevr-ile gurbetde hânum sensedüm

Zecr-i hicrüñ odına salduñ beni rahm itmedüñ

Yana yana kalmadı nâm u nişânum sensedüm

Fethedînem ʽışkuñuñ deryâsına saldum göñül

Dür dişüñ gavvâsıyam iy bahr-ı kânum sensedüm

(Canpolat, Mustafa (1995). Mecmû’atü’n-Nezâ’ir Metin-Dizin-Tıpkıbasım. Ankara: Türk Dil Kurumu Yayınları. 233.)