Madde Detay

Fehîm hakkında biyografik kaynaklarda herhangi bir bilgi bulunmamaktadır. Ancak Hekimoğlu Ali Paşa’nın 1155/1742 yılında ikinci defa sadrazam olmasına çeşitli şairlerin tarih düşürmek amacıyla tanzim ettiği manzumeleri ihtiva eden Mecmûa-i Tevârîh’te, “Târîh-i Fehîm Efendi” başlığıyla şaire ait bir tarih manzumesi yer almaktadır. Bu manzumeye istinaden Fehîm’in 18. yüzyıl şairlerinden olduğu anlaşılmaktadır.

Mecmûa-i Tevârîh. Süleymaniye Kütüphanesi “Esad Efendi 3388”. vr. 7a-b.

Târîh-i Fehîm Efendi

Bi-hamdillâh şeref-bahşâ-yı sadr oldı yine hâlâ

Velî-sîret melek-haslet ʻAlî Pâşâ-yı bî-hemtâ

ʻAtâ itmiş ezelden ʻavn ü tevfîkın aña Bârî

Kitâb-ı midhati vird-i zebân-ı sâkin-i dünyâ

Olunca sâye-endâz-ı sadâret ʻizz ü devletle

O düstûr-ı Celîlü’ş-şân-ı âsaf-re’y-i ʻadl-ârâ

Safâdan dür-nisâr oldı zemîne ebr-i nîsânî

Felekde zühre raks idüp mezâkın eyledi icrâ

Sehâda rîze-çîn-i dest-i cûdı Hâtem-i Tâyî

Keremde Bermekî teşbîh olunmaz zâtına aslâ

Zuhûr idüp yine âsâr-ı teʻyîdât-ı Rabbânî

Vezîrin buldı el-hak pâdişâh-ı maʻdelet-pîrâ

Ziyâd olsun nesîm-i ʻizz ü ikbâl-i cihân içre

Safâ bulsun bu ʻâlemde nice ervâh-ı zîb-efzâ

Eyâ sâhib-kırân-ı Haydarî-haslet ko ʻahdüñde

Çekilsün ser-keşâna tîg-ı kahruñ zü’l-fekâr-âsâ

Zamân-ı devletüñde intikâm alup revâfızdan

Koma mülk-i ʻAcem’de hüsn-i tedbîrüñle bir bed-râ

Ne deñlü vasf idersem hâme kâsırdur beyânında

Duʻâ-yı devletin tekrâr idinmekdür hemân evlâ

İlâhî eyle tedbîrin muvâfık hükm-i takdîre

Anuñ eyyâm-ı ʻadlinde kim ola fitne-i aʻdâ

Ola ikbâl ile dâ’im bu sadr-ı re’fet-efzâda

Duʻâ-yı devleti dünyâya farz-ı ʻayndur zîrâ

Fehîmâ tehniyet birle didüm târîh-i teşrîfin

Mübârek ide Hak yine vezîr oldı ʻAlî Pâşâ

(Mecmûa-i Tevârîh. Süleymaniye Kütüphanesi “Esad Efendi 3388”. vr, 7a-b.)