Madde Detay

Havfî’nin hayatı hakkında tezkirelerde ve biyografik kaynaklarda herhangi bir bilgi bulunmamaktadır. Ancak Nuruosmaniye Kütüphanesi’nde 3700 numarada kayıtlı olan ve Sultan II. Mustafa (salt. 1695-1703) için yazılan şiirleri ihtiva eden Mecmûa-i Tevârîh adlı eserde şaire ait bir tarih manzumesi yer almaktadır. Bu manzumenin Sultan II. Mustafa’nın 1106/1695 tarihinde tahta geçmesi münasebetiyle kaleme alınmış olması göz önünde bulundurulduğunda Havfî’nin 17. yüzyılın sonunda hayatta olduğu anlaşılmaktadır.

Efe, Z. (2020). “Sultan II. Mustafa için yazılan şiirler mecmuası”. RumeliDE Dil ve Edebiyat Araştırmaları Dergisi (19): 460-493.

Mecmû’a-i Eş’âr. Nuruosmaniye Kütüphanesi 3700. vr. 34b-35a.

Târîh-i Havfî Çelebi

Bâreka’llâh server-i sırr-ı İlâhî mühtedâ

Pâdişâh-ı ‘âlem-ârâ şehriyâr-ı bâ-safâ

İstinâd-ı dîn ü devlet inbisât-ı ma‘delet

Ma‘den-i fazl-ı ma‘ârif muktedâ-yı ezkiyâ’

Kâm-rân-ı rükn-i a‘zam müftehâr-ı hânedân

Mültecâ-yı halk-ı ‘âlem mültekâ-yı zî-‘atâ

Matla‘-ı envâr-ı şem‘i manzar-ı erbâb-ı dil

Mahzen-i esrâr-ı lutfı muktedâ-yı incilâ

Emrüñe ‘âlem müsahhar lutfuña dünyâ esîr

Zâtuña sıhhat mülâzım bahtuña ‘izzet sezâ

Mehdî-i ‘Îsâ-nefes ki âsitân-ı ‘âlişân

Pertev-i mâh-ı münîr eşref-i ‘ayn-ı ziyâ

Sa‘d-ı ekber hâk-i pâyüñde sa‘âdet mültezem

‘İzz ü câh-ı mültemâsına sebîl-i ihtidâ

Bahr-ı cûdını tahayyül eylemek emr-i muhâl

Nasb-ı tansîs-i mekâdîr bir hatâ-yı iddi‘â

Meşreb-i pâkidür elbet çeşme-i âb-ı hayât

Mürde-dil ihyâsına var mı ‘aceb bir katre mâ

Her ne emre iştigâl itseñ sa‘âdet feyz ola

Her ne yaña ‘azm iderseñ ‘avn-i Bârî reh-nümâ

Göstere tîg-i şerârın zümre-i küffâra kim

Neşr ola rûy-ı zemîne hûn-ı düşmen ü ‘adâ 

Müşkilâtuñ ide âsân Hak kerîm ü lâ-yezâl

Olmaya eksük cenâbuñdan gürûh-ı irticâ

Bî-kesüñ haddi degül hak üzre medhüñ eylemek

Muhtasar ta‘rîf olur mı böyle memdûh-ı Hudâ

Sıdk u ihlâsa du‘âyı idelüm şimden girü

Şâd-kâm olsun serîr-i saltanatda dâ’imâ

İstimâ‘ idüp cülûsın Havfiyâ târîh içün

‘Âlemi tecdîd ide ‘adliyle Sultân Mustafâ

                        (Nuruosmaniye Kütüphanesi 3700. vr. 34b-35a)