Madde Detay

Cânif'in hayatı ve diğer özellikleri hakkında başka kaynaklarda bilgi yoktur. Sadece Türk Şairleri'nde Sadeddin Nüzhet Ergun "XIX. asır şairlerinden olduğunu tahmin ettiğim Cânif'in bir müstezâdı bendeki bir mecmuada kayıtlıdır. Tezkireler bu isimde hiçbir şairi mevzubahis etmiyorlar. Manzûmeyi aynen nakletmekle iktifâ ediyorum" diyerek kısaca bilgi vermektedir (1936-1945: 906).

Ergun, Sadeddin Nüzhet (1936-1945). Türk Şairleri. C. II. İstanbul.

Müstezâd

Âvâre iden gönlümü bir şûh-ı cihândır

Pek tâze cüvândır

Ammâ diyemem nâmı fülân ibni fülândır

Ol râz-ı nihândır

Bir şûh-ı sitem-pîşenin oldı dil esîri

Kimden kime şekvâ

Her gamzesi ok çeşmi siyeh kaşı kemândır

Hem fitne-resândır

Bu hüsn-i melâhatle görenler seni dirler

Allâh'a emânet

Var ise şehen-şâhî-i gılmân-ı cinândır

Ne ins ü ne cândır

Ben nice fedâ eylemeyim cânı yolunda

Bin dahi olursa

Lutfı keremi âşıka bî-hadd ü kerândır

Kim akla ziyândır

Cânif kulunı eyleme bu rütbe ferâmûş

Hâtırdan efendim

Künc-i gam-ı hicrânda işi âh u figândır

Haylice zamândır

(Ergun, Sadeddin Nüzhet (1936-1945). Türk Şairleri. C. II. İstanbul. 906.)