Madde Detay

Tezkirelerde Hümâyî mahlaslı herhangi bir şaire tesadüf edilememektedir. Topkapı Sarayı Kütüphanesinde bulunan ve 16. yüzyılın sonlarında tertip edilen ve hemen hemen hepsi bu yüzyılda yetişmiş şairlerin manzumelerinden müteşekkil olan bir şiir mecmuasında (Revan 1972) şairin Sultan III. Murad’ın (öl. 1595) bir gazeline yazdığı tahmis kayıtlıdır. Bu tahmisin Sultan III. Murad’ın gazeline yazılmış olması ve kayıtlı olduğu şiir mecmuasının tertip edildiği dönem göz önünde bulundurulduğunda Hümâyî’nin 16. yüzyıl şairlerinden olduğu anlaşılmaktadır.

Mecmûa-i Eşâr. Topkapı Sarayı Kütüphanesi “Revan 1972”. vr. 84b.

Tahmis

I

Görenler rûy-ı zerdüm dir gam-ı yâre nişândur bu

Ki bend-i kâkül-i dildâra kayd-ı câvidândur bu

Beni aglatma ʻuşşâk içre kim dirler cihândur bu

Sirişk-i çeşmümi gören didi baña ne kandur bu

Didüm kan ile karışmış akar bahr-ı revândur bu

II

Hayâli hecr-i zülfüñ çün elif-kaddümi dâl itdi

Firâkuñ câna kâr idüp dili aşüfte-hâl itdi

Kenâr-ı bahr-ı ʻışkuñda göñül engine sâl itdi

Habâb-ı eşki sînemde görenler hep su’âl itdi

Didüm kim fülk-i cismümde açılmış bâdbândur bu

III

Görüp şemʻ-i ruh-ı cânâneyi dil oldı pervâne

Diler ihrâk idüp cânın bula tâ kurb-ı cânâne

Be ʻâşık sâlik-i râh-ı mahabbet gibi rindâne

Visâl ümmîdine sâbir olalum derd-i hicrâne

Görelüm ne olur zâhir hele devr-i zamândur bu

IV

Çü ben yâr ile yâr oldum degül agyâr ʻaynumda

Beni ko yüri zâhid yok benüm kimseye deynüm de

Kesilmem yok durur andan keserler ise boynumda

Yazup nâmını dildâruñ nihân itdüm çü koynumda

Su’âl itdi baña yârân didüm âhir zamândur bu

V

Sanemler zîneti âfâkı döndürmiş dilâ deyre

Büt-i sîmîn-bedenlerle Hümâyî çıkalum seyre

Bilemez şiʻriñüñ remzin kimesne şer mi yâ hayra

Murâdînüñ bu güftârı nihândur gerçi kim gayra

Cenâbına o dildâruñ velî cümle ʻayândur bu

(Mecmûa-i Eşâr. Topkapı Sarayı Kütüphanesi “Revan 1972”. vr. 84b.)