Madde Detay

İsmîhân Hâtun’un hayatı hakkında tezkirelerde ve biyografik kaynaklarda herhangi bir bilgi bulunmamaktadır. Ancak İstanbul Üniversitesi Nadir Eserler Kütüphanesi’nde T 5480’de kayıtlı olan ve bazı şairler hakkında verilen bilgilerden hareketle 1619 yılında tertip edildiği anlaşılan bir musammat mecmuasında şaire ait bir tahmis yer almaktadır. Bu mecmuanın tertip edildiği tarih göz önünde bulundurulduğunda İsmîhân Hâtun’un da bu mecmuanın tertip edildiği tarihte hayatta olduğu veya bu tarihten önce yaşadığı kabul edilebilir.

Mecmû’a-i Eş’âr. İstanbul Üniversitesi Nadir Eserler Kütüphanesi. T 5480. vr. 103a.

Tahmîs-i İsmîhân Hâtun

I

‘Âlemde bunca mihnet [ü] derd ü belâ niye 

Sehm-i murâd irişmeye çünkim nişâneye 

Geldüm edâ-yı hıdmet içün âsitâneye 

Dutdum ümîd-i himmeti şâh-ı yegâneye  

Gördüñ zamâne uymadı sen uy zamâneye 

II

Kasd eyledükçe çarh-ı sitemkâr devletin

Çekdüm belâ vü derd ile hem-yâr mihnetin   

Pîrüñ cihânda gûş ideli lafz-ı hikmetin

Kıldum kabûl pendini dutdum nasîhatin 

Gördüñ zamâne uymadı sen uy zamâneye

III

Giryân olursa hâlüme ebrüñ n’ola gözi 

Şem‘-i felek yanar çemene göyinür özi

Takdum kulaga dürr gibi buldum bu Hak sözi

‘Âlemde kimse basmadı çünki yire yüzi

Gördüñ zamâne uymadı sen uy zamâneye

IV

Dehrüñ ‘aceb mi sabr ider isem belâsına 

Eyler cefâyı çünki güzel mübtelâsına 

Dil meyl ider egerçi ki fâhir libâsına

Cân ile girdüm atlas-ı çarhuñ palâsına

V

Çekme ümîd-i devlet içün İsmiyâ imlâl

Vir hisseye rızâ vü sakın eyleme cidâl

Geçse ne deñlü sa’y ile ‘âlemde mâh u sâl

Takdîre çünkim olmaya tedbîr ile mecâl

Gördüñ zamâne uymadı sen uy zamâneye  

(Mecmû’a-i Eş’âr. İstanbul Üniversitesi Nadir Eserler Kütüphanesi. T 5480. vr. 103a)