Madde Detay

Müdrik hakkında tezkirelerde ve biyografik kaynaklarda herhangi bir bilgiye rastlanmamaktadır. Ancak Süleymaniye Kütüphanesinde bulunan ve en geç 18. yüzyıl şairlerini ihtiva eden bir şiir mecmuasında (Yazma Bağışlar 6630) şaire ait bir gazel kayıtlıdır. Bu gazelin bulunduğu mecmuanın muhtemel tertip tarihine istinaden Müdrik’i, 18. yüzyıl veya önceki dönem şairlerinden kabul etmek mümkündür.

Mecmûa-i Eşâr. Süleymaniye Kütüphanesi “Yazma Bağışlar 6630”. vr. 115a-b.

Gazel

Bâde-i laʻl-i lebüñle neş’e-yâb itdün beni

Âteş-i derd-i firâkuñla kebâb itdüñ beni

Öyle bî-tâb eyledüñ kim sen beni ey meh-likâ

Mûy-ı âteş dîdeveş çün pîç ü tâb itdüñ beni

Ârzû-yı vasl ile cûy eyleyüp eşküm benüm

Mevce-i bahr-ı gamuñda sen habâb itdüñ beni

İltifâtuñ pes firâvân eyleyüp sen gayrıya

Hasret-i dîdâr ile ey meh harâb itdüñ beni

ʻAndelîb-âsâ senüñ âh u figânuñ Müdrikâ

Sûziş-i cân birle her dem pek izâb itdüñ beni

Mecmûa-i Eşâr. Süleymaniye Kütüphanesi “Yazma Bağışlar 6630”. vr. 115a-b.