Madde Detay

Savtî’nin hayatı hakkında elde herhangi bir bilgi bulunmamaktadır. Marmara Üniversitesi Kütüphanesi’nde Pend-nâme-i Azmî adıyla kayıtlı olan ve içerisindeki şiirler ve şairlerden hareketle 18. yüzyılda yazıldığı anlaşılan bir şiir mecmuasında Savtî’ye ait bir muhammes bulunmaktadır (Pend-nâme-i Azmî vr. 21b-22a). Yine Milli Kütüphane’de 06 Mil Yz FB 533/1 arşiv numarasıyla kayıtlı olan ve içerisinde 18. yüzyıla ait şairlerin de bulunduğu bir şiir mecmuasında da şaire ait bir gazel yer almaktadır (Mecmû’a-i Eş’âr vr. 106b). Bu mecmuaların yazıldıkları dönem göz önünde bulundurulduğunda Savtî’nin 18. yüzyıl şairlerinden olduğunu söylemek mümkündür.

Mecmû’a-i Eş’âr. Milli Kütüphane Yazmaları. 06 Mil Yz FB 533/1. vr. 106b.

Pend-nâme-i Azmî. Marmara Üniversitesi. İlahiyat Fakültesi Kütüphanesi. YZ0272. vr. 21b-22a.

Muhammes

I

Subh olup ref’ oldı yârüñ dîdesinden çünki hâb

Câme-hâbından tulû’ itdi cemâl-i âfitâb

Sakınup günden o şûhı haymesin kurdı sehâb

Taşra çıkdı azm-i hammâm eyledi devlet-me’âb

Çekdiler ol dem semendüñ basdı ber-zerrîn-rikâb

II

Ehl-i şevke irdi cânâ meh-i tal’atdan şafak

İrdi hammâma girince durdı hammâmcı ayak

Nâz-ile seccâde üzre geçdi hem çözdi kuşak

Mushaf-ı rûyında açıldı habîbüñ bir varak

Okudum Allâhu ekber ma’nisin ümmü’l-kitâb

III

Câmesin bir bir çıkardı âşikâr oldı beden

Bâreka’llâh dir kıyâmuñ seyr iden ehl-i sühan

Ebr-i sîm fûta sarındı ref’ kıldı pîrehen

O perî na’lîn-i pâyını reşk eyledi çarh-ı kühen

Düşdi dellâk öñine o mehveşüñ feth itdi bâb

IV

Halvet-i hâsı münevver eyledi ol sîm-ber

Pâyine ta’zîm içün indi yere gökden kamer

Tâk-ı ebrûsın görüp vardı sücûda hep kemer

Ûd u anber yakdı micmer içre âhından şerer

Câmlar hayrân olup hüsnine saçdılar gül-âb

V

Ebced-i? hattın tırâş itdürdi o âşık-şinâs

Hûridür cennetde misli itmeñüz gayra kıyâs

Yüz sürüp sâbûn kudûm-ı yâre kıldı iltimâs

Lûle-i zerrîn açıldı destini bûs itdi tâs

İtdi mâ-i havz içre dutdı şevkle biñ habâb

VI

Sakf-ı hammâmı o memlû eyledi envâr ile

Hayrete saldı gören üftâdeyi ruhsâr ile

Pâkize yundı arındı meh yüzi gülzâr ile

Bürinüp çıkma libâs-ı şîve-i reftâr ile

Taşra azm itdi felekden dogdı sankim mâh-tâb

VII

Egnine yaşıl kabâlar giydi ol kaddi çenâr

Destine mir’ât alup ruhsârını seyr itdi yâr

Savtiyâ cân nakdini kıldum yolında hep nisâr

Rahşına tekrâr istignâ ile oldı süvâr

El-vedâ’ didi kamu ahbâba ol devlet-me’âb

(Pend-nâme-i Azmî, Marmara Üniv., İlahiyat Fakültesi Kütüphanesi, YZ0272. vr. 21b-22a.)