Madde Detay

Şerîfî’nin hayatı hakkında tezkirelerde ve biyografik kaynaklarda herhangi bir bilgi bulunmamaktadır. Ancak İstanbul Üniversitesi Nadir Eserler Kütüphanesi’nde T 5480’de kayıtlı olan ve bazı şairler hakkında verilen bilgilerden hareketle 1619 yılında tertip edildiği anlaşılan bir musammat mecmuasında şaire ait üç tahmis yer almaktadır. Bu mecmuanın tertip edildiği tarih göz önünde bulundurulduğunda Şerîfî’nin de bu mecmuanın tertip edildiği tarihte hayatta olduğu veya bu tarihten önce yaşadığı kabul edilebilir. Yine mecmuada şair hakkında kayıtlı olan “Şerîfî-i Akşehrî” ibaresinden Şerîfî’nin Akşehirli olduğu anlaşılmaktadır.

Mecmû’a-i Eş’âr. İstanbul Üniversitesi Nadir Eserler Kütüphanesi. T 5480, vr. 69b.

Gazel-i Merhûm Bâkî Efendi Tahmîs-i Şerîfî-i Akşehrî

I

Geşt [ü] güzâr-ı bâg it ‘ibretle bak cihâna 

Her gûşe beñzemişdür hem ravza-i cinâna   

Meşşâta-i bahâruñ gûyâ elinde şâne

Açdı gülüñ nikâbın yâd irdi gülsitâna   

Gösterdi ‘aks-i rûyın âyîne-i zamâne

II

Beñzer çemende her gül bir şûh-ı şîvekâra

Sünbülleri bu bâguñ gûyâ ki zülf-i yâra

Nergis çerâg-ı zerrîn bu bezm-i nev-bahâra

Şâh-ı şükûfe döndi bir sîm-ten nigâra   

Her bir nihâl-i mevzûn bir serv-kadd civâna

III

Sakf-ı sipihr-i encüm gûyâ ki berg-i nesrîn

Sahn-ı çemende ‘aksin gösterdi ‘ıkd-ı pervîn

Ey dil gel olma gam-gîn nûş eyle câm-ı la’lîn

Bülbülde savt-ı rengîn güllerde sûret-i Çîn

Fasl-ı bahâr  Mânî gülşen nigâr-hâne

IV

Fasl-ı bahâr irişdi bülbüller oldı nâlân

Bezm-i çemende güller zevk-i safâda hayrân

Nat‘-ı zümürrüd ile zeyn oldı her gülistân

Fâhir libâs geydi eşcâr-ı bâg-ı devrân

Bâdâm nakşı kemhâ geydürdi ergavâna

V

Vaktidür ey Şerîfî tûmâr-ı gonçe gülsün

Ders-i kitâb-ı ‘aşkı bülbüller andan alsun

Ol hˇâce-i zamânuñ medhi cihâna tolsun

Zât-ı kerîmi vasfın Bâkî ne resme kılsun

Melhûz olan ma‘ânî mümkin degül beyâna 

(Mecmû’a-i Eş’âr. İstanbul Üniversitesi Nadir Eserler Kütüphanesi. T 5480, vr. 69b)